ديوان "إغزار ن أوليلي" للشاعر عمر المدام

Incuccer wul inu, nxessen yiman inu, wami xafi issars umarir audri tamassayt n tezwarut n wammud a jar ifassen nne Ighzar n ulili...

Incuccer wul inu, nxessen yiman inu, wami xafi issars umarir audri tamassayt n tezwarut n wammud a jar ifassen nne Ighzar n ulili. Mayemmi aya marra? Iskety ayi d deg wussan n tighri wami tugha ismun anegh ugherbaz ku ijjen mant tighemmart i tugha iffaren; maca d tinni d timitar timezwura i tugha iskanen tazdayt n umarir aked imunas d taragt n tudart iziden.

D wa d amarir n Ayt S3id ilulen ass n 05-05-1970 deg Ighzar n ulili; taghremt n Nnadur. Aghzar a i izzullen ad yili d aduf nwedlis ines, ad isessu ulawen n yigen n tsekla tamazit s umata.

Umatnegh Numid isrusa ac adlis a jar ifassen inek uma imeghri ;ma ad tarmed zi tmeddurt a imzarazen .

Deg ummuddu nnes zeg uyfir ghar uyfir n isfra, ikkes azughmet d mezri illa ghars wami idwel ghar tansa mani izra tfawt issudem cal n tmurt ines itwattun; tamurt umi ggudin igmiren, fesyen xef idennad tiwecca amek d isken takayt ines s urubi d uxeyyeq xef bettu n umazigh d tlelli d umezruy d yedles d timmuzgha d Timazighin, d uzedduy ines aked yellis n tmurt, amek d izetta gi tira ines tawlaft n wezwag d unejli ghar barra, wenni issufughen aterras xef we3ban ines, manaya itijja t ad iggwed zeg yimal aberkan.

Zeg tazwarut n ammud

Aghamus n Ammud