Yewt n tfukt i yellan, d tasghart nnev maRRa, tghelli; tneqqar xef wayduden n umaDal, maRRa idnegh n ffud iZenZaren nnes, nexs ad ness...
Yewt n tfukt i yellan, d tasghart nnev maRRa, tghelli;
tneqqar xef wayduden n umaDal, maRRa idnegh n ffud
iZenZaren nnes, nexs ad nessezghel imal nnegh s tifawin
nnes.
AmaDal itcefcuf s midden, d mkur aydud d aZwaR
n umezruy, d asutar n yimal, mkul aydud s tighit nnes...
Timitar d tefraz n umyidar nnegh mSebDant, maca
maRRa idnegh d imezdagh sadu ict n tfuyt.
Waxxa dinni jar anegh iymiren, maca dinni
amsawal d umSawaD, dinni tadukli; dinni ula d imenghi i
nemmexs war nexs ad yili...
Deg iyyar a, n ttaf tagrawla n Intirnit; tessu
ixemRawen n tracca nnes war iqeTTwen, tused ad tessefsi
isekraf n iymaren a, tused ad tarZem tiwwura n
wemSawaD jar waTTaã n wayduden, yenni xef tugha
twaqqnen yebriden, mani tugha issusem ula d imi xef
wawal.
Iyyar a mani izemmar yiwen ad issen tifraz n
usneflul n wenniDen; ad isijj xef umeddur nsen; waxxa
dinni jar anegh anict uyenni n wefray.
zeg tamssizwarut n adlis
Tawlaft n ughamus
Adlis: Tinfas n usughel
Azwel: Anfarar
Amaru: Yousif Azadden Rauf, (Yusif izaddin, Kūrdstān)
Tasuqilt ghar tmazight: Saïd BELGHARBI
Azrag amezwar: 2965-2015
Tazazragt: Empreinte numérique, Oujda
Tizrigin: Tazrigt tis 06 n tmesmunt n Ayt S3id i yedles d tyumi
تعليقات