Anebdu d wa d azwel n wengal amezwaru n Lmeddam Ɛumar. Adlis a d tamarniwt tamaynut deg yiyer n tsekla tamaziɣt illuẓen tira. Adlis a, ...
Anebdu d wa d azwel n wengal amezwaru n Lmeddam Ɛumar. Adlis a d tamarniwt tamaynut deg yiyer n tsekla tamaziɣt illuẓen tira. Adlis a, iffeɣ tawala tamezwarut d izeynan deg weɣmis «Tawiza» deg iseggusa n 2001 d 2002. Aṭṭaṣ n imeɣra ḍfaṛen min ittini xef temẓi nnes d maṛṛa min kids d yusin n taẓyuḍi d taṛẓugi. Ufin ungal arifiy ikessi arrimet nnes deg waṭṭaṣ n wudmawen. Aswingem n tmesmunt yus d ijjen tilawt2 n tsekla tarifiyt : ungal idrus maci ḥa di Arif waha maca di Tamazɣa maṛṛa. Ungal a yus d d amezwar deg wemḥizwar « Abulyus » i tegga tmesmunt n Ayt Sɛid n Dar Lkebdani. Awarn i tullizin3 “Martcika” n Muḥemmed Lhacmi d yusin d amezwar di tenfas, Anebdu yus d d amezwar deg wengal. Amḥizwar a itarra taynit i tsekla tamaziɣt ittwarin di Arif, tasekla a issentan tteg iṣuṛaf nnes iquḍaḍen, xsen ad zzuggarten deg yimal d itasen.
D tidet, Anebdu issawal xef temẓi umaru. Ameɣri iḍaffaṛ it zeg umezwar ar umeggar, ass awarn i wass, zi wemcan ɣar wemcan, manaya i illan d tudart di ddcar «Iɣzar ulili ». Awal icarrzen tullizt4 ibeṭṭa jar yijjen «necc» ittilin d atarras d yijjen « necc » d ameqqran iksin lxezrat n ddunit. Da d ijjen tcuni n wengal mani maṛṛa Irifiyen ad afen ijjen tesɣart di tudart nsen.
Ungal a imsebḍa xef 12 n yexfawen1, mkul ij zzaysen s tefras nnes imsebḍan xef wenniḍen, maca qqnent jar asent s tefras n ddcar yumsent adlis a zi umezwar ar umeggar.
zeg tazwarut
تعليقات